Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8934 diu dô wâren oder noch sint.
        Ênîte was des Wunsches kint,
        der an ir nihtes vergaz.
        diu vrouwe diu nû hie saz
        was vil schône gekleit.
8939 ane hâte si geleit
        einen mantel hermîn langen:
        dâ hete si sich in gevangen.
        daz dach ein rîcher samît was,
        var als ein brûnez glas,
8944 vil wol gezobelt vür die hant.
        ein wimpel ir hâr zesamene bant.
        welh ir roc wære?
        des vrâget ir kamerære:
        ich gesach in weizgot nie,
8949 wan ich niht dicke vür si gie.
        ouch enmohte es Êrec niht gesehen:
        daz muoste dâ von geschehen
        daz dâ vor alumbe hie
        der mantel dâ si sich in vie.
8954 daz bette dâ si ûfe saz,
[ zurück ]