Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

5607 wan si was vil ungewon
        an im der herzesêre.
        si enhâte in nie mêre
        in selhen zühten gesehen.
        dâ bî was ir ein liep geschehen,
5612 daz ez den sige an leide nam:
        diz was daz er hin wider kam
        mit lebendigem lîbe.
        hie verkêrte sich dem wîbe
        ir herzen trüebe
5617 als ein glas, derz wol schüebe,
        daz von swarzer varwe
        bestrichen wære begarwe:
        sô diu varwe abe kæme,
        sô würdez genæme
5622 und lieht daz ê vinster was.
        sus wart ir herze ein lûter glas,
        der erren sorgen beschaben
        unde wol ze liehte erhaben
        mit unvalscher wünne,
5627 sam si nie leit gewünne.
[ zurück ]