Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7575 innerhalp stuont dar an
        wie er vrouwen Lavîniam
        ze êlîchem wîbe nam,
        und wie er dâ ze lande was
        gewaltic herre Ênêas
7580 âne alle missewende
        unz an sînes lîbes ende.
        dâ mite der satel was bedaht,
        daz was ein phelle wol geslaht,
        sô er beste wesen solde
7585 von sîden und von golde.
        der phelle was ze rehte tief:
        vil nâch er zuo der erde swief.
        dâ stuonden an besunder
        aller werlde wunder
7590 und swaz der himel besliuzet.
        ob iuch es niht verdriuzet,
        sô wil ich iu ir ein teil sagen
        und doch michels mê verdagen.
        diu vier elementâ
7595 stuonden schînlîchen dâ
[ zurück ]