Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8907 und gemâl en allen vlîz.
        dâ stuonden entworfen an
        beidiu wîp unde man,
        und die vogele sam si vlügen,
        doch si die liute dar an trügen,
8912 diu tier wilde unde zam,
        ob iegelîchem sîn nam,
        diu bilde von golde.
        daz der knoph wesen solde,
        daz was ein wol geworht ar,
8917 von golde durchslagen gar.
        si was gespannen überz gras.
        an dirre pavelûne was
        êre und gevüere.
        dise zeltsnüere
8922 wâren sîdîn garwe
        und niht von einer varwe,
        rôt grüene wîz gel
        brûn, geworht sinewel.
        hie under er gesitzen sach
8927 ein wîp, als im sîn herze jach,
[ zurück ]