Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

705 ein väzzelîn vil veste
      und hie zuo daz beste
      daz deheinez möhte sîn.
      dâ wart daz schœne kindelîn
      mit manigen trahen in geleit,
710 under unde über gespreit
      alsô rîchiu sîdîn wât
      daz nieman bezzere hât.
      ouch wurden zuo im dar in
      geleit, als ich bewîset bin,
715 zweinzic marke von golde,
      dâ mite man ez solde
      ziehen ob ez ze lande
      got iemer gesande.
       Ein tavel wart getragen dar
720 der vrouwen diu daz kint gebar,
      diu vil guot helfenbein was,
      gezieret wol als ich ez las
      von golde und von gesteine,
      daz ich nie deheine
725 alsô guote gewan.
[ zurück ]