Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

577 niemer dar durch enkumt:
      irn schadet der winter noch envrumt
      an ir schœne niht ein hâr,
      sine stê geloubet durch daz jâr.
      und ob dem brunne stât ein
582 harte zierlîcher stein,
      undersatzt mit vieren
      marmelînen tieren:
      der ist gelöchert vaste.
      ez hanget von einem aste
587 von golde ein becke her abe:
      jane wæn ich niht daz iemen habe
      dehein bezzer golt danne ez sî.
      diu keten dâ ez hanget bî,
      diu ist ûz silber geslagen.
592 wil dû danne niht verzagen,
      sone tuo dem becke niht mê,
      giuz ûf den stein der dâ stê
      dâ mite des brunnen ein teil:
      deiswâr, sô hâstû guot heil,
597 gescheidestû mit êren dan.'

[ zurück ]