Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3370 gelîche mit dem lîbe.
        got rât mir armen wîbe
        wie ich ez ane vâhe
        daz ich mich niht vergâhe.
        ich wæne ez solde verdagen.
3375 entriuwen niht, ich sol imz sagen:
        ze swelher nôt ez mir ergê,
        ez wirt gewâget alsam ê."
        vil drâte si hin umbe sach,
        ze Êrecken si mit vorhten sprach:
3380 "herre, durch got vernim mich:
        bewar ez oder man sleht dich.
        ich sihe vünf gesellen
        die dich slahen wellen."
        als schiere si imz seite,
3385 ze wer er sich bereite.
        ir einer hete sich ûz genomen
        und was den andern vür komen,
        daz er tjostierte wider in,
        ûf sîn selbes ungewin,
3390 wan in stach Êrec fil de roi Lac
[ zurück ]