Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4667 als er im ouch bescheinte.
        er sprach: "herre,
        ich hân ze varne verre
        und enmac ze disen zîten
        ûz dem wege niht gerîten.
4672 wærez an mîner muoze,
        nâch des küneges gruoze
        vüere ich tûsent mîle.
        ir sult mich ze dirre wîle
        mîne strâze lâzen varn.
4677 got müeze iuch bewarn."
        dô sprach der valsche Keiîn:
        "herre, lât die rede sîn.
        ir ensult niht alsô hin scheiden:
        ez missezæme uns beiden.
4682 ich bringe iuch ze hûse
        dem künege Artûse
        zewâre oder ich enmac."
        Êrec fil de roi Lac
        wart ein teil dâ von beweget.
4687 er sprach: "ich wæne ir enmeget.
[ zurück ]