einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec5507 wan daz der einevon unwirde versûmte sich unz daz im ein sperstich engegen in sîn houbet kam, der im ein ouge benam. 5512 der stich ergie mit selher kraft daz im wol ellenlanc der schaft ûz hienc vor dem ougen. swie kleine erz wolde erougen, er stach in zuo der erde tôt, 5517 als ez der hövesche got gebôt. als sîn geselle daz grôze gevelle gesach von dem micheln man, mit zorne kêrte er wider dan 5522 und begunde den kolben wenden und gap in ze beiden henden. Êrec erbeizete dô: des was der rise vrô und wânde in sâ gewunnen hân. 5527 in trouc ob got wil sîn wân. |