einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec5829 wan mir anders geschihtvon dir ein unrehter gewalt. sî dîn erbermde manecvalt, sô hilf ouch mir des tôdes hier. wâ nû hungerigiu tier, 5834 beide wolf unde ber, lewe, iuwer einez kome her und ezze uns beide, daz sich sô iht scheide unser lîp mit zwein wegen! 5839 und ruoche got unser sêlen phlegen, die enscheident sich benamen niht, swaz dem lîbe geschiht." der si deheinez komen sach. si rief in aber unde sprach: 5844 "ir tier vil ungewizzen, nû habet ir erbizzen manec schâf unde swîn, armer liute vihelîn, die ius niht engunden 5849 noch überwinden kunden. |