Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6209 daz ez iu âne widerstrebe
        gelîche allen wol gevalle."
        nû rieten si imz alle.
        des râtes was der grâve vrô.
        vrouwen Ênîten trôste er dô
6214 vlîzeclîche unde wol,
        sô man den vriunt nâch leide sol.
        er sprach: "wünneclîchez wîp,
        war umbe quellet ir den lîp
        sô grimmeclîchen sêre?
6219 vrouwe, durch gotes êre
        und ouch durch mich sô tuot daz
        und gehabet iuch ein lützel baz
        dan iu doch sî geschehen.
        ich muoz iu des von schulden jehen
6224 daz ir wîplîchen tuot,
        und dunket mich von herzen guot
        daz ir klaget iuwern man,
        wan dâ schînet iuwer triuwe an.
        doch habet irs nû genuoc getân,
6229 wan ez mac iuch niht vervân.
[ zurück ]