Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6409 daz ir iuwer armuot
        und leides müget vergezzen.
        noch gât dan mit mir ezzen."
        si sprach: "daz ensol got wellen,
        daz ich mînen gesellen
6414 alsô müeze hân verlorn."
        des wart vil tiure dô gesworn:
        "ê erwel ich daz ich der erde
        mit im bevolhen werde.
        ich hân immer manne rât
6419 sît mir in got benomen hât."
        er sprach: "nû lât die rede sîn
        immer durch die liebe mîn
        und gât dan ezzen mit mir,
        wan ichs benamen niht enbir."
6424 swie vil er doch si gebat,
        sô enwolde si niht von der stat,
        unz er si alsô betwanc:
        er zôch si hin sunder danc,
        wan si mohte im niht gestrîten.
6429 er ensazte si niht ze sîten:
[ zurück ]