einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6688 bî der hant er si vienc:vil genôte er suochende gienc, unz daz er sîn îsengewant, ouch schilt unde sper vant, und wâfente sich als ê, 6693 sam im nie würde wê. sîner rosse vant er niht: "ouwê dirre geschiht! suln wir nû ze vuoze gân? daz haben wir selten ê getân." 6698 nû müeze got gesenden disen ellenden, Êrecke und Ênîten, ros dâ si ûfe rîten. als er der rosse niene vant, 6703 nû tete er als im was gewant. sînen schilt nam er und in die winstern hant daz sper, an sîner zesewen sîten vuorte er vrouwen Ênîten 6708 und gâhte vür daz bürgetor. |