Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7049 und Êrec hâte geseit
        waz kumbers er hete erliten
        sît daz er was von im geriten,
        dô si beide ze einer stunt
        von ein ander wurden wunt
7054 - daz selbe hân ich niht verdaget,
        ich enhabe ius gesaget
        sô vil als ichs weste -,
        dise lieben geste
        begunden si vil verre klagen
7059 und gote grôze genâde sagen
        daz Êrec dannoch lebete,
        wan im vil dicke swebete
        sîn lîp in selher wâge,
        als ûf des meres wâge
7064 ein schefbrüchiger man
        ûf einem brete kæme dan
        ûz an daz stat gerunnen.
        ofte hete er gewunnen
        ein leben zwîvellîchez
7069 und disem wol gelîchez:
[ zurück ]