einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7067 ofte hete er gewunnenein leben zwîvellîchez und disem wol gelîchez: nû hete in an der genâden sant ûz kumbers ünden gesant 7072 got und sîn vrümekeit, daz er nû allez sîn leit hâte überwunden, daz er ze disen stunden vol vrœlîchen saz. 7077 got helfe im nû vürbaz: im ist noch gelungen âne strît. nû was ouch slâfennes zît. dô giengen die knehte spehen sament rehte 7082 welh stat in dâ töhte dâ man in betten möhte. als si dô giengen suochen, nû sâhen si drî buochen enhalp bî dem viure stân, 7087 breit unde wol getân, |