Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8881 in wîste vür die stecken
        der wirt selbe mit der hant
        ûf einen stîc den er dâ vant:
        der was grasic und niht breit.
        si beliben alle, er eine reit.
8886 ich enweiz wie ez im ergie:
        ez enwas eht ritter nie
        mê guntrœstet dan er wart.
        er vuor ein angestlîche vart.
        des trûrte sîn geselleschaft.
8891 nû bewar eht in diu gotes kraft,
        daz im der lîp belîbe:
        des helfet sînem wîbe
        durch got biten alle,
        daz im der sige gevalle.
8896 hin reit der künec Êrec
        eine den grasigen wec
        wol drîer rosseloufe lanc
        durch bluomen und durch vogelsanc
        in jenen boumgarten vort.
8901 nû sach er vor im dort
[ zurück ]