einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9119 kâmen diu ros sô vastezesamene gestôzen daz den kamphgenôzen wurden ir houbet vil sêre betoubet 9124 und daz diu ros gelîche an daz ertrîche hinder sich gesâzen. die zoume wurden lâzen, und erbeizten zuo der erde. 9129 got herre, nû gewerde des künec Êreckes phlegen! wan er bestât einen degen der hât ellen unde kraft: des bin ich umbe in angesthaft. 9134 nû schieden si beide diu swert von der scheide und wurfen si umbe in der hant. hie gienc ez über der schilte rant dô si zesamene trâten. 9139 die grimmen slege si tâten. |