einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9577 daz er niht houbetes ûf hât,und dâ daz horn hanget an, der beitet eines niuwen man: den solde ich mit iu hân bestat und iuwer houbet drûf gesat. 9582 des hât uns beide got erlân. ich wæne hiute erworben hân ein schadelôse schande, sît mich von disem bande hât erlœset iuwer hant. 9587 got der hât iuch her gesant. hiute ist mînes kumbers zil: nû var ich ûz und swar ich wil. und sî iu daz vür wâr geseit: ir sît ze grôzer sælikeit 9592 disem hove her komen, wan mit mir was im benomen elliu sîn wünne gar. und was eht schœner vreuden bar. sît daz in mîn abe gie 9597 sô enwart eht hie nie |