Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1114 under sînen bruodern. er sprach:
        'herre, iu sendet diz kint,
        liute die iu willic sint,
        mîns bruoder tohter und ir man,
        und geloubent starke dar an,
1119 ob ir ez selbe toufet,
        dem kinde sî gekoufet
        dâ mite ein sæligez leben,
        und geruochet im iuwern namen geben.'
         Diu bete was der münche spot.
1124 si sprâchen: 'seht (sô helfe iu got)
        ze disem gebiurischen man,
        wie wol er sîne rede kan.'
        der herre emphie die rede wol
        als der diemüete sol,
1129 und als er daz kint ersach,
        vor sîner bruoderschaft er sprach:
        'ez ist ein sô schœne kint:
        sît si des gotes hûses sint,
        dêswâr wir suln inz niht versagen.'
1134 daz kint hiez er ze toufe tragen.
[ zurück ]