Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2600 (dâ enhelt mich niht an)
        von dem hie an geschriben stât,
        sô hât uns des tiuvels rât
        versenket sêle unde lîp:
        ich bin iuwer muoter und iuwer wîp.'
2605 Nû sprechet wie dô wære
        dem guoten sündære.
        er was in leides gebote.
        sînen zorn huop er hin ze gote,
        er sprach: 'diz ist des ich ie bat,
2610 daz mich got bræhte ûf die stat
        daz mir sô wol geschæhe
        daz ich mit vreuden sæhe
        mîne liebe muoter.
        rîcher got vil guoter,
2615 des hâstû anders mich gewert
        danne ichs an dich hân gegert.
        ich gertes in mînem muote
        nâch liebe und nâch guote:
        nû hân ich si gesehen sô
2620 daz ich des niemer wirde vrô,
[ zurück ]