Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3075 daz er in solde vüeren hin
        als er gelobete wider in:
        diu liebe und diu leide
        die macheten im beide
        ze sînem gâhenne daz
3080 daz er der tavele vergaz
        die er zallen zîten
        truoc bî sîner sîten.
        die îsenhalten truoc er dan
        unde gâhte nâch dem man.
3085 Er ruofte durch got daz er sîn bite.
        alsus vuorte er in mit unsite
        ûf jenen wilden stein.
        dâ beslôz er im diu bein
        vaste in die îsenhalten.
3090 er sprach: 'hie muostû alten.
        dich envüere mit sînen sinnen
        der tiuvel von hinnen,
        du enkumest hin abe niemer mê.'
        den slüzzel warf er in den sê,
3095 er sprach: 'daz weiz ich âne wân,
[ zurück ]