Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3880 'vrouwe, durch got saget mir,
        habet ir sît iht vernomen
        war iuwer sun sî komen,
        weder er sî lebende oder tôt?'
        do ersiufte si, des gie ir nôt.
3885 si sprach: 'herre, nein ich.
        ich weiz wol, er hât an sich
        von riuwen selhe nôt geleit,
        ich enverneme es rehte wârheit,
        son geloube ich niht daz er noch lebe.'
3890 er sprach: 'ob daz von gotes gebe
        iemer möhte geschehen
        daz man in iuch lieze sehen,
        nû saget wie: getriuwet ir doch
        ob ir in erkandet noch?'
3895 si sprach: 'mich entriege mîn sin,
        ich erkande in wol, und sæhe ich in.'
         Er sprach: 'nû saget des ich iuch bite,
        weder wære iu dâ mite
        liep oder leit geschehen,
3900 ob ir in müeset sehen?'
[ zurück ]