einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1101 geriuwetz dich eins hâres breit, sô hân ich mîn arbeit unde dû den lîp verlorn.< vil tiure wart si aber besworn, sine erkande sich vil stæte, 1106 daz si sichs abe tæte. Diu maget lachende sprach, wan si sich des wol versach, ir hülfe des tages der tôt ûzer werltlîcher nôt: 1111 >got lône iu, lieber herre, daz ir mir alsô verre hât die wârheit gesaget. entriuwen, ich bin ein teil verzaget, mir ist ein zwîvel geschehen. 1116 ich wil iu rehte bejehen wie der zwîvel ist getân den ich nû gewunnen hân. ich vürhte daz unser arbeit von iuwer zageheit 1121 under wegen belîbe. |