einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1240 in eine niuwe güete. Nû er si als schœne sach, wider sich selben er dô sprach: >dû hâst einen tumben gedanc, daz dû sunder sînen danc 1245 gerst ze lebenne einen tac wider den nieman niht enmac. du enweist ouch rehte waz dû tuost, sît dû benamen ersterben muost, daz dû diz lasterlîche leben 1250 daz dir got hât gegeben niht vil willeclîchen treist, und ouch dar zuo enweist ob dich des kindes tôt ernert. swaz dir got hât beschert, 1255 daz lâ allez geschehen. ich enwil des kindes tôt niht sehen.< Des bewac er sich zehant und begunde bôzen an die want; er hiez sich lâzen dar in. 1260 der meister sprach: >ich enbin |