Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Heinrich

338 gürtel unde vingerlîn.
       mit dienste brâhte er si ûf die vart,
       daz si im alsô heimlich wart
       daz er si sîn gemahel hiez.
       diu guote maget in liez
343 belîben selten eine,
       er dûhte si vil reine.
       swie starke ir daz geriete
       diu kindische miete,
       iedoch geliebete irz aller meist
348 von gotes gebe ein süezer geist.
       Ir dienest was sô güetlich.
       dô der arme Heinrich
       driu jâr dâ entwelte
       und im got gequelte
353 mit grôzem sêre den lîp,
       nû saz der meier und sîn wîp
       und ir tohter, diu maget
       von der ich iu hân gesaget,
       bî im in ir unmüezikeit
358 und weinden ir herren leit.
[ zurück ]