einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich496 wir gewinnen niemer mêre deheinen herren alsô guot der uns tuo daz er uns tuot.< Si sprâchen: >tohter, dû hâst wâr. nû vrumet uns niht umbe ein hâr 501 unser riuwe und diu klage. liebez kint, dâ von gedage! ez ist uns alsô leit sô dir. leider, nû enmuge wir im ze deheinen staten komen. 506 got der hât in uns benomen. hetez iemen anders getân, der müese unsern vluoch hân.< alsus gesweicten si si dô. die naht beleip si unvrô 511 und morgen allen den tac. swes iemen anders phlac, diz enkam von ir herzen nie, unz si des andern nahtes gie slâfen nâch gewonheit. 516 dô si sich hâte geleit |