Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1600 unde ir meinlich ungemach,
        ir starkez ungemüete
        unde ir stæte güete,
        ir wîplîche triuwe
        und ir senlîche riuwe,
1605 dô minnet er sî deste mê,
        und im wart nâch ir alsô wê
        daz diu Minne nie gewan
        grœzern gewalt an deheinem man.
        er gedâhte in sînem muote
1610 'ei herre got der guote,
        wer gît mir sô starke sinne
        daz ich die sô sêre minne
        diu mir zem tôde ist gehaz?
        od wie möhte sich gevüegen daz
1615 daz sî mir gnædec würde
        nâch alsô swærer bürde
        mîner niuwen schulde?
        ich weiz wol daz ich ir hulde
        niemer gewinnen kan:
1620 nû sluoc ich doch ir man.
[ zurück ]