Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1936 wand man noch hundert ritter siht
        die alle tiurre sint dan er
        ze swerte ze schilte und ze sper.'
        'dû hâst zewâre misseseit.'
        'vrouwe, ich hân die wârheit.'
1941 'der zeige mir doch einen.'
        'liezet ir iuwer weinen,
        deiswâr ich vunden iu harte wol.'
        'ichn weiz waz ich dir tuon sol:
        wan ez dunket mich unmügelich.
1946 sich, got der gebezzer dich,
        ob dû mir nû liegest
        und mich gerne triegest.'
        'vrouwe, hân ich iu gelogen,
        sô bin ich selbe betrogen.
1951 nû bin ich ie mit iu gewesen
        und muoz ouch noch mit iu genesen:
        verriet ich iuch, waz wurde mîn?
        nû müezt ir mîn rihtære sîn:
        nu erteilet mir (ir sît ein wîp),
1956 swâ zwêne vehtent umbe den lîp,
[ zurück ]