einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1981 wan ich sî gerne lîden wil.zewâre ich bin gerner vil durch mîne triuwe vertriben dan mit untriuwen beliben. vrouwe, nû gân ich von iu hin:1986 und sô ich hin vertriben bin, sô nemet durch got in iuwern muot waz iu sî nütze unde guot. daz ich iu ê gerâten hân, daz hân ich gar durch guot getân:1991 und got vüege iu heil und êre, gesehe ich iuch niemer mêre.' Sus stuont sî ûf und gie dan zuo dem verborgen man. dem brâhtes bœsiu mære,1996 daz ir vrouwe wære unbekêriges muotes: sine kunde si deheines guotes mit nihte überwinden: sine möhte dâ niht vinden2001 niuwan zorn unde drô. |