einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4426 die gesigeten ir vreuden an.daz trûren behabte den strît, und verkêrte sich sô in kurzer zît daz iu daz nieman kan gesagen, in ein weinen und in ein clagen4431 diu vreude der man dâ jach. als daz her Îwein ersach, dô vrâgte er den wirt mære, waz im geschehen wære. Er sprach 'saget mir, herre,4436 durch got waz iu werre, und waz dirre wehsel diute: daz ir und iuwer liute sô niuwelîchen wâret vrô, wie hât sich daz verkêret sô?'4441 dô sprach des hûses herre 'waz uns arges werre, der mære endurfet ir niht gern. iedoch enwelt irs niht enbern, sô sage ich iu unser arbeit:4446 so beswært ez iuch: daz ist mir leit. |