einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein5451 Noch erkand in dâ wîp noch man,und schiet ouch alsô lîhte dan; niuwan eine vrou Lûnete, diu daz durch sîn gebot tete daz sî in niemen ennande.5456 daz in diu niht erkande diu doch sîn herze bî ir truoc, daz was wunders genuoc. doch bat sî in vil verre, sî sprach 'lieber herre,5461 durch got belîbet hie mit mir: wand ich weiz wol daz ir und iuwer lewe sît starke wunt: lât mich iuch machen gesunt.' Sus sprach der namelôse dô5466 'ichn gewinne gemach nochn wirde vrô niemer mê unz ûf ten tac daz ich wider haben mac mîner vrouwen hulde: der mangel ich ân schulde.'5471 sî sprach 'wie selten ich daz wîp, |