Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5896 sî sprach 'ich wil von hinnen
        mit iu rîten an die stat
        dar er mich mit im rîten bat,
        dô er hie vür mich gestreit
        unde ûz disem lande reit.'
5901 alsus bewîste sî sî dar
        und sprach 'vrouwe, nu nemet war,
        an dirre stat dâ liez ich in:
        war ab stüende sîn sin,
        des enwolder mir niht sagen.
5906 und ein dinc wil ich gote clagen:
        er und sîn lewe wâren wunt
        sô sêre daz er zuo der stunt
        mohte gevarn unverre.
        daz in unser herre
5911 vor dem tôde bewar!
        ez ist an sînem lîbe gar
        swaz ein rîter haben sol.
        deiswâr ich gan iu beiden wol
        daz ir in gesunden vindet,
5916 wand ir danne überwindet
[ zurück ]