Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6003 und swer guoter des gert,
        dern wirt es niemer entwert.'
        wand er ir daz wol an sach
        daz sî nâch im ungemach
        ûf der verte hete erliten,
6008 do begunde ouch er ir heiles biten.
        er sprach 'vrouwe, mir ist leit
        al iuwer arbeit:
        und swâ ich die erwenden kan,
        dâne wirret iu niht an.'
6013 Dô neic sî im unde gote
        und bôt sich ime ze gebote
        und gnâdet im vil verre.
        sî sprach 'lieber herre,
        diu bete enist niht umbe mich:
6018 si ist verre werder danne ich
        diu mich nâch iu gesendet hât.
        ich sag iu wie ez umb sî stât.
        sî lîdet von gewalte nôt.
        ir vater ist niuwelîchen tôt,
6023 und wil si ir swester enterben
[ zurück ]