Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6244 niht: dâ ist ein nagel vor.
        ez ist iu anders undersehen:
        iu sol hie iuwer reht geschehen,
        ê iu diu porte werde enspart.
        man muoz iuch ziuwer ûzvart
6249 anders beleiten:
        man sol iuch ê bereiten
        maneger unêren:
        man sol iuch hie lêren
        dise hovezuht baz.
6254 wie gar iuwer got vergaz,
        daz ich iuch brâhte dâ her in!
        ir scheidet mit unêren hin.'
         Dô sprach der rîter mittem leun
        'ir muget mir harte vil gedreun:
6259 michn bestê ein grœzer nôt,
        deiswâr so gelige ich niemer tôt.
        wan besliuzestû vaste dîn tor?
        zewâre, und wære ich dâ vor,
        ich wolde doch her wider in.
6264 daz ich zuo dir gegangen bin,
[ zurück ]