einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6764 done twelte sîn geselle niht mê,wan er geloupte sich des man und lief den lewen drâte an, und wolt in gerne hân erslagen, hetz im sîn herre vertragen:6769 sît er in ê erlôste, kam er im nû ze trôste: deiswâr, des heter michel reht. als schiere so im des tiuvels kneht sînen rücke kêrte,6774 daz in got sô gêrte, dô sluoc er in kurzen stunden im vil manege wunden: in die arme und in diu bein und swâ er ungewâfent schein,6779 dâ gap er im vil manegen slac. wan jener der dâ nider lac, dern moht im niht ze staten komen: wand im hete der lewe benomen sô gar die kraft untten sin6784 daz er vür tôt lac vor in. |