Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1138 daz er in ze rehte an sich nimet,
        des mac wol werden guot rât.
        swes muot aber alsô stât
        daz im rât versmâhet,
        und er der werke gâhet
1143 vil unbescheidenlîchen,
        den muoz sîn sin beswîchen.
        mir enhaben mîn wîsære gelogen,
        er ist des sinnes betrogen,
        und sîn leben ist der werlte spot.
1148 lîp, dâ von lobe ich got
        des ich von dir vernomen hân.
        des hâst dû mich in bœsen wân
        vil gar eine wîle brâht.
        nû hâst dû dich baz bedâht
1153 daz dir sô misselunge.
        vil guote wandelunge
        hân ich nû von dir vernomen.
        daz sol dir noch ze heile komen.
        Verwirf mînen rât niht
1158 und wizze daz dir wol geschiht.
[ zurück ]