Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

166 so entuont sî niht den willen mîn,
      wan so hœre ich niht wan einen munt:
      in sî niht bezzers wîbes kunt.
      dar an gewinne ich dan niht mê
      wan daz mir wirt wirs dan ê.
171 ouch hete ich hie vor den sin,
      des ich von leide nu âne bin.
      Herze, wan mirs dîn gewalt erbunde,
      daz ich ouch erkennen kunde
      ein guot wîp als ein ander man.
176 got weiz wol daz ich niht enkan
      an ir erkennen wan guot,
      lieze sî niuwan den einen muot
      den si wider mich nû lange hât.
      herze, nû sprich, waz ist dîn rât?
181 Dû hieze mich ir dienen ie;
      daz tæte ich gerne, wiste ich wie.
      wære sî mir alsô guot,
      daz sî leider niht entuot,
      daz sî spræche ze mir
186 'dînen dienst wil ich von dir,'
[ zurück ]