Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Gregorius

1297 ir kinde si engegen lief.
        in grôzen unsiten si rief:
        'sich, wie weinestû sus?'
        'dâ sluoc mich Grêgôrius.'
        'war umbe hât er dich geslagen?'
1302 'muoter, ich kan dirs niht gesagen.'
        'sich her, tæte dû im iht?'
        'muoter, weizgot nein ich niht.'
        'wâ ist er nû?' 'bî jenem sê.'
        'wê mir armer, wê!
1307 er tumber gouch vil betrogen!
        hân ich daz an im erzogen
        daz er mir bliuwet mîniu kint,
        sô wol gevriunt sô si hie sint?
        dînen vriunden zimet daz niht wol
1312 daz ich diz laster dulden sol
        von einem sô gewanten man
        der nie mâge hie gewan.
        daz dich tar gebliuwen der
        der sich hât verrunnen her,
1317 daz ist mir iemer ein leit.

[ zurück ]