Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2552 der guote sündære sprach:
        'vrouwe, wie gehabet ir iuch sô?'
        vil kûme gantwurte si im dô,
        wande ir der sûft die sprâche brach.
        mit halben worten si sprach:
2557 'herre, ich mac wol riuwic sîn.'
        'waz wirret iu, liebiu vrouwe mîn?'
        'herre, des ist alsô vil
        daz ich ez gote klagen wil
        daz ich ie ze der werlde kam:
2562 wan mir ist diu Sælde gram.
        vervluochet was diu stunde
        von unsers herren munde
        dâ ich inne wart geborn.
        Unsælde hât ûf mich gesworn
2567 und behaltet vaste an mir den eit,
        wan mir ie tûsent herzenleit
        wider eime liebe sint geschehen.
        herre, ir sult mir des verjehen
        von wannen ir geborn sît.
2572 ez wære ê gewesen zît
[ zurück ]