Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3858 niuwan der selben geschiht
        diu im ouch ê was kunt.
        dô erkande er zestunt
        daz si sîn muoter wære.
        der guote und der gewære
3863 der vreute sich ze gote,
        daz si sînem gebote
        alsô verre under lac:
        wande er sach wol daz si phlac
        riuwe und rehter buoze.
3868 mit williclîchem gruoze
        emphie er sîne muoter dô
        und was des herzenlichen vrô
        daz im diu sælde geschach
        daz er si vor ir ende sach
3873 und daz er si alten
        muose behalten
        und geistlîchen rât geben
        über sêle und über leben.
         Dannoch was ir daz unkunt,
3878 gesach si in ie vor der stunt.
[ zurück ]