Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Heinrich

1411 ir gruoz wart spæhe undersniten
         mit vil seltsænen siten:
         ir herzeliebe wart alsô grôz
         daz in daz lachen begôz
         der regen von den ougen;
1416 der rede ist unlougen.
         si kusten ir tohter munt
         etewaz mê dan drîstunt.
         do emphiengen in die Swâbe
         mit lobelîcher gâbe;
1421 daz was ir willeclîcher gruoz.
         got weiz wol, den Swâben muoz
         ieglich biderbe man jehen,
         der si dâ heime hât gesehen,
         daz bezzers willen niene wart
1426 dan als in an der heimvart
         sîn lantliut emphienge.
         wiez dar nâch ergienge,
         waz mac ich dâ von sprechen mê?
         er wart rîcher vil dan ê
1431 des guotes und der êren.
[ zurück ]