Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

10064 hie emphienc er lobelîche
          die krône von dem rîche
          der sîn vater, der künec Lac,
          unz an in mit êren phlac,
          wan er vil manege tugent begie.
10069 ouchn wart dehein vrumer vater nie
          mit sînem sune baz ersat.
          wer zæme baz an sîner stat?
          got segene im sîn rîche:
          er hât ez billîche.
10074 wir suln im sîn wol gunnen,
          wan er hâts wol begunnen
          mit vreuden und mit wirtschaft.
          man mohte eht dâ grôze kraft
          von rittern und von vrouwen
10079 wol sehs wochen schouwen.
          swie lange si werte,
          swes man ze vreuden gerte
          wie vil des menneclîch dâ vant!
          hie sazte er sô sîn lant
10084 daz ez vridelîchen stuont.
[ zurück ]