Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1551 ungeriten zwelf jâr,
        der müeze iemer vür wâr
        gebâren nâch den phaffen.
        dû bist vil wol geschaffen
        ze einem gotes kinde
1556 und ze kôrgesinde:
        diu kutte gestuont nie manne baz.'
         'Herre, nû versuochet ouch daz
        und gebet mir ritterlîche wât:
        dêswâr ob si mir missestât,
1561 sô gan ich ir wol eim andern man
        und lege die kutten wider an.
        herre, iu ist vil wâr geseit:
        ez bedarf vil wol gewonheit,
        swer guot ritter wesen sol.
1566 ouch hân ich ez gelernet wol
        von kinde in mînem muote hie:
        ez enkam ûz mînem sinne nie.
        ich sage iu, sît der stunde
        daz ich bedenken kunde
1571 beidiu übel unde guot,
[ zurück ]