einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3144 der dô ze Rôme bâbest was.alse schiere er starp, ein ieglich Rômære warp besunder sînem künne durch des guotes wünne3149 umbe den selben gewalt. ir strît wart sô manicvalt daz si beide durch nît unde durch der êren gît bescheiden niene kunden3154 wem si des stuoles gunden. Nû rieten si über al daz si liezen die wal an unseren herren got, daz sîn genâde und sîn gebot3159 erzeicte wer im wære guot ze rihtære. dienstes si im gedâhten, daz si ouch volbrâhten mit almuosen und mit gebete.3164 got dô genædeclichen tete, |