Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

8076 und trat vil gâhes hinder sich.
        sî sprach 'hâstû mir wâr geseit,
        sô hât mich dîn karkheit
        wunderlîchen hin gegeben.
        sol ich dem vürdermâle leben
8081 der ûf mich dehein ahte enhât?
        deiswâr des het ich gerne rât.
        mirn getete daz weter nie sô wê
        ichn woldez iemer lîden ê
        danne ich ze langer stunde
8086 mînes lîbes gunde
        deheinem sô gemuoten man
        der nie dehein ahte ûf mich gewan:
        und sage dir mitter wârheit,
        entwunge michs niht der eit,
8091 sô wærez unergangen.
        der eit hât mich gevangen:
        der zorn ist mînhalp dâ hin.
        gedienen müez ich noch umb in
        daz er mich lieber welle hân
8096 danner mich noch habe getân.'
[ zurück ]