Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1082 swaz ich mac oder kan,
        daz ich mich durch sî vlîzen sol
        ze tuonne rehte unde wol
        und valsches durch sî âne bin.
        vil gerne ich allen mînen sin
1087 wende ze guote
        und hân alle wege huote
        daz ich iemer missetuo,
        mich enverleite dan dar zuo
        daz ich niht bezzers künne.
1092 der mir dan heiles günne,
        der refse mich durch sîn êre,
        so entuon ich ez niemer mêre.
        der worte tuon ich mit werken schîn.
        dâ mite sol ir gedienet sîn;
1097 und swaz ich guotes mac begân,
        daz ist ir benamen getân.
        emphâhe ich des niemer lôn von ir,
        dannoch frümet ez mir
        daz mir ez diu werlt ze guote verstât
1102 und mich deste lieber hât.
[ zurück ]