Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1727 und habe ich des deheinen wanc,
        sô sî ich gote unmære!
        dich meint mit triuwen mîn gedanc.
        und bewegte dich niht mîn swære,
        mîner nôt wære ein berc ze kranc;
1732 ob sî mich diuhte swære,
        sô würde mir daz leben ze lanc
        daz ich sîn gerner enbære.
        Sît ich dîn künde ie gewan,
        sô bist dûz alters eine
1737 der ich mir ze frouwen gan;
        nû lobestûz alze seine.
        vil dicke ich sældelôser man
        in mînem herzen weine
        daz ich den kumber dankes han
1742 gebunden zuo dem beine
        für den ich listes niht enkan
        wie ich in versweine.
        daz ich ûz wîben ie began
        minnen deheine
1747 von der mîn muot sô sêre bran
[ zurück ]