einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4858 dô rieten si alle gelîcheer wærez wærlîche. der künec Artûs sprach dô: "nû wære ich es harte vrô und lônte ims mit minnen, 4863 swer mir in möhte gewinnen. Gâwein, daz tuon ich an Keiîn und an dich. ir habet mich unz an disen tac sô gêret daz ich niene mac 4868 iu gesprechen niuwan guot. ist daz ir diz nû tuot, daz wil ich vor im allen hân swaz ir mir liebes habet getân. Gâwein, nû wis gemant 4873 wiez under uns ist gewant, daz dû mîn næhster vriunt bist, und sûme dich deheine vrist mêre durch die liebe mîn. sô hilf mir und der künegîn 4878 daz wir Êrecken gesehen: |