Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9385 Êrec erbarmte sich,
        alsô daz er in leben lie.
        als er die sicherheit emphie,
        nû half er im ûf bî der hant.
        ir ietweder enbant
9390 des andern wâfenriemen,
        wan in half ander niemen,
        und entwâfenten ir houbet.
        hie wurden si beroubet
        hazlîches muotes:
9395 êren unde guotes
        gunden si ein ander wol,
        als ein geselleschaft sol.
        si sâzen zesamene ûf daz gras,
        wan ir ietweder was
9400 vil müede von dem strîte.
        nû redeten si zuo der zîte
        vil und maneger slahte
        von ietwederes ahte
        und daz in ensamt geschach.
9405 der künec Êrec dô sprach:
[ zurück ]