einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius603 belîbet si bî dem lande,ir sünde und ir schande mac si sô baz gebüezen. si mac den armen grüezen mit guote und mit muote,608 bestât si bî dem guote. gebristet ir des guotes, so enhât si niht wans muotes: nû waz mac danne ir muot gevrumen ieman âne guot?613 waz touc der muot âne guot oder guot âne muot? ein teil vrumet muot âne guot, noch bezzer ist guot unde muot. von diu sô dunket mich daz guot,618 si behabe guot unde muot: sô mac si mit dem guote volziehen dem muote, sô rihte gote mit muote, mit lîbe und mit guote.623 ouch râte ich iu den selben muot.' |